Каталікі і праваслаўныя пачалі сумеснае служэнне ў дзіцячым хоспісе (ФОТА, ВІДЭА)
- Written by Павел Мицкевич
- Published in Навіны - Гомель
- Comments (2)
Вялікае свята прайшло 21 лістапада ў Гомельскім дзіцячым хоспісе для сірот-інвалідаў, пабудаваным каталіцкай дабрачыннай місіяй «Карытас-Міласэрнасць».
Дзеці і персанал хоспіса (чытайце падрабязна пра яго будаўніцтва і адкрыццё) канцэртам, малітвай і салодкім сталом адзначылі дзень свайго Анёла-ахоўніка. На свята ў дзіцячую вёску прыехалі і адны з італьянскіх спонсараў.
- Гэтыя дзеці - праява Бога сярод нас. Неверагодна, але вы, даглядаючы за гэтымі дзецьмі, служыце самому Богу, - звярнуўся да персаналу хоспіса пробашч гомельскай рыма-каталіцкай парафіі ксёндз Славамір. - І таму радуйцеся, што вы робіце справу вельмі важную. За гэта, вядома, вы не заўсёды атрымліваеце падзяку ці нейкія матэрыяльныя даброты, але ў доме Айца Нябеснага чакае ўзнагарода тых, хто робіць сваю справу з Духам, з любоўю ў сэрцы.
Па дабраславенню праваслаўнага Ўладыкі Стэфана ў хоспіс прыбыў і святар Свята-Траецкага храма айцец Мікалай. Ён прывёз у дзіцячую вёску абраз Божай Маці, салодкія падарункі дзецям і здзейсніў малебен.
- Гэта кропка судотыку ў нашым служэнні. Справы міласэрнасці можна рабіць разам, бо яны не датычацца ніякіх канонаў і дагматычных рознагалоссяў. З сённяшняга мерапрыемства пачынаецца сумесны шлях, сумеснае сацыяльнае і духоўнае служэння гэтым дзецям, - пракаментаваў кс. Славамір.
Media
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
RSS-стужка каментароў гэтага запiсу