Хэнд-мэйд да свята Нараджэння Хрыстовага робіць шматдзетная гамяльчанка [фота]

Снежань 5, 2013
Written by katolik-gomel.by
Published in Навіны - Гомель
Comments (1)

Батлейкі ручной работы можна набыць у касцёле, каб упрыгожыць да свята свой дом і пацешыць дзяцей.

На першым паверсе гомельскай рыма-каталіцкай царквы па нядзелях можна набыць Калядныя батлейкі ручной работы. Іх робіць маладая парафіянка, мама траіх дзяцей Марыя Казубенка. Яна захапляецца лепкай з палімернай гліны і вырашыла зрабіць для уласнай сям'і першую батлейку. І прапаноўвае свае вырабы і іншым вернікам.

Святары раяць падчас Адвэнту упрыгожваць дом не толькі традыцыйнай елкай, але і батлейкай. Самыя простыя яслі, фігуркі Святой Сям'і, пастушкоў і Трох каралёў можна зрабіць разам са сваімі дзецьмі.

Увогуле традыцыя калядных батлеек зарадзілася ў сярэднія стагоддзі і існавала ў шматлікіх хрысціянскіх краінах. Батлейкі відазмяняліся, яны былі велізарныя (у чалавечы рост) і зусім невялікія. Такія маленькія хатнія батлейкі ствараюць настрой свята, робяць дух Раства стала больш адчувальным.