«Гасподзь шукае не Ерусалімскі храм, а Віфлеем - наша сэрца» [фота, відэа Каляднай Імшы]
- Written by gomel.catholic.by
- Published in Навіны - Гомель
- Comments (1)
Сотні вернікаў прыйшлі ў Калядную ноч у гомельскую рымска-каталіцкую Царкву, каб з усім светам адзначыць падзею, якая змяніла ход гісторыі і закранула жыццё кожнага чалавека. Кожнага, хто нараджаўся дзве тысячы гадоў таму, нараджаецца цяпер і будзе нараджацца праз шмат стагоддзяў.
- Бог шукае не Ерусалімскага храма, а Віфляема, цёмнай пячоры, якой з'яўляецца наша сэрца. Ён шукае сёння кожнага. Можа быць, нехта прыйшоў у храм проста як госць, а атрымае мілату і адкрые для сябе Бога, - звярнуўся да парафіянаў і шматлікіх гасцей храма пробашч айцец Славамір.
Цэлебраваў першую Калядную Святую Імшу біскуп Казімір Велікаселец. Звяртаючыся да вернікаў з гаміліяй, ён адзначыў:
- Хрыстос вучыць нас малітве, і Ён пачуе кожнага, пачуе голас нават самага заняпалага чалавека.
Ксёндз Славамір заклікаў жадаць адзін аднаму сустрэчы з Езусам Хрыстом, таго, каб Ён нарадзіўся ў нашых сэрцах:
- Хоць казаць гэта і цяжка з-за нашых грахоў, таму неабходна набрацца мужнасці. Гаварыце людзям пра тое, што вы змагаецеся, але не заўсёды былі для іншых добрым прыкладам. Таму заклікайце глядзець не на вас, а на Хрыста.
Пасля Набажэнства парафіяльны хор зладзіў святочны канцэрт разам з дзецьмі, студэнткі з Афрыкі праспявалі калядны гімн на сваёй роднай мове, а перад храмам запусцілі нябесныя ліхтарыкі і запалілі феерверк. (Глядзіце відэа ў выдатнай якасці: абярыце HD у наладах прайгравальніка).
Media
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам
kards.qip.ru/.../654.swf
RSS-стужка каментароў гэтага запiсу