У каталіцкую семінарыю ў Пінску паступіў толькі адзін юнак
- Written by katolik-gomel.by
- Published in Царква
- Comments (2)
Касцёл заклікае вернікаў да гарачай малітвы аб новых пакліканнях.
У каталіцкай Міждыяцэзіяльнай духоўнай семінарыі імя Тамаша Аквінскага ў Пінску прайшоў уступны іспыт. У гэтым годзе ў семінарыю паступіў толькі адзін юнак - 17-гадовы жыхар Баранавічаў Уладзіслаў Козел. Нагадаем, у другую каталіцкую семінарыю Беларусі - гродзенскую - паступілі шэсць чалавек. Каталіцкая Царква заклікае вернікаў да гарачай малітвы аб новых пакліканнях у Беларусі і аб адвазе для тых, хто пачуў голас Хрыста, каб адказаць на гэты заклік.
Нядаўна ў Пінскай семінарыі пачаў служэнне новы рэктар - айцец Андрэй Рылка. У яго планах зрабіць семінарыю больш адкрытай: праводзіць тут больш сустрэч і духоўных практыкаванняў для маладых людзей, каб яны маглі лепш пазнаёміцца з жыццём у семінарыі. Па словах новага рэктара, вельмі шмат юнакоў задумваюцца аб тым, каб прыйсці ў семінарыю, але адначасова яны адчуваюць шмат непакояў і страхаў, перадае Ватыканскае радыё.
Каталіцкая Царква ў Беларусі мае праблемы з колькасцю святароў. З-за іх недахопу даводзіцца запрашаць святароў з-за мяжы. У выніку каля траціны каталіцкіх святароў у Беларусі - замежнікі, з гэтай нагоды ўлады Беларусі не раз выказвалі прэтэнзіі да Каталіцкай Царквы.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
RSS-стужка каментароў гэтага запiсу