Серыял «Абраныя» агучылі па-беларуску і выклалі ў сеціва

Два сезоны папулярнага серыяла «Абраныя» (The Chosen) агучаныя на беларускай мове. Ініцыятыва «Кінакіпа» 6-7 студзеня прадставіла відэа для спампоўкі і прагляду анлайн у вольным доступе на сваім сайце і Тэлеграм-канале.

Серыял распавядае пра жыццё Езуса Хрыста і Ягоных вучняў, аднак ён зняты ў незвычайным стылі і сама гісторыя яго стварэння асаблівая – маштабны медыяпраект быў рэалізаваны на ахвяраванні тысяч чалавек і цалкам фінансаваўся за кошт краўдфандынга, таму ён незалежны ад буйных студый.

Серыял быў задуманы ў выразных рамках хрысціянства з наўмысна экуменічным падыходам. Рэжысёр фільма – пратэстант Далас Джэнкінс, а ролю Езуса выконвае католік Джонатан Румі.

Наш канал в Telegram – только интересное и важное. Подписаться >

Каталіцкія тэолагі адзначаюць некаторыя супярэчнасці ў серыяле, паказваюць не спрэчныя рашэнні, аднак у цэлым высока ацанілі фільм і сыходзяцца ў меркаванні, што ён можа быць карысны і цікавы для прагляду моладдзю, у сям'і, а таксама з катэхізатарскай мэтай.