Адзіны ў Беларусі Дом міласэрнасці ордэна Маці Тэрэзы аднавіў харчаванне бяздомных [фота]
- Written by gomel.catholic.by
- Published in Навіны - Гомель
- Add new comment
На святочным абедзе падавалі курыцу, бульбу, салату, бананы, сок, прысмакі і велікодныя яйкі.
Каля 80 бяздомных і бедных гамяльчан прыйшлі на абед у гомельскі Дом міласэрнасці каталіцкага ордэна Маці Тэрэзы - адзіны ў Беларусі. З мінулага лета ў Доме міласэрнасці праводзіцца капітальны рамонт, таму гарачае харчаванне сёстры законныя часова не арганізоўвалі. Увесь гэты час бяздомных, як і раней, кармілі - толькі на вуліцы і сухім пайком. Але цяпер, пасля завяршэння рамонту на першым паверсе, сёстры змаглі прыняць сваіх галоўных гасцей - жабракоў - і арганізаваць для іх сапраўдны святочны абед, прысвечаны Хрыстоваму Ўваскрасенню.
На абед у Дом міласэрнасці пускалі толькі цвярозых, а дапамагалі рыхтаваць, разносіць порцыі і прыбіраць сталы парафіяне гомельскай рыма-каталіцкай царквы, замежныя госці парафіі, а таксама вікарый касцёла айцец Дамінік.
Перад пачаткам абеду ўсе праспявалі Велікодную песню і памаліліся, а святар прачытаў урывак з Евангелля і прапаведаваў для жабракоў. Айцец Дамінік нагадаў, што з Хрыстом магчыма ўсё: кінуць піць, знайсці працу, пачаць новае жыццё.
Рамонт у Доме міласэрнасці яшчэ працягваецца. Пасля яго заканчэння на другім паверсе будынка сёстры змогуць утрымліваць хворых бяздомных людзей.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў